نصايح يدتي إلى كل عروس

مساكم بالخير ياأحلى عرايس.................. يا عسى ربي يتمم عليكم وتتزوجوون واللي ما جاها النصيب يالله ترزقها

وصايتي لكم

هالله هالله بالزوج دوري راحته ولا تضايقينه بالطلبات اللي مالها داعي

ليدخل عليج أبد ما يشووف الا الزين ولا يشم الا الدخون والعوود

ترى كلمه حلوه لي رد من الدوام ما تنقص من وزنج مثل: الله يعطيك العافيه... عساك ع القوة

ولا تطريله حنة الدوام ومشاكلهم خلاص رديتي البيت انسي الدوام

ها أكمل ولا تحسوون اني شكووووووووووو كيفنا.. ردوا وأنا بالشوفة

تكفيـــن كملـــي حده أحب حجيـــ اليدات << الله يذكرهم بالخيـــر

ياحلو كلامهم عســـــــــــل

كمي كملي خيتووو

خوش كلام والله

إي هذوله بنياتي سنع ومنع

وترى المره لي صارت ثقيله بالقعده....... تشتري وما تبيع ! اشلون يعني تسمع حجي هالحريم بس ما تنطق ال عند الضرووره.

لا تقولين فعلت وتركت !! يعني لا تحجين والله أمك قالت أختك سوت................. مادام مرتاحه مع زوجج خلاص

لي كنتي ساكنة بشقه وبتروحين زوارة حق حمولتج لا تروحين إيد ورا وإيد جدام اخذي معاج صحين يا حلو ولا مالح ولا هالفناتك ماتخفي على بنياتي السنعين

عاد ما وصيج على داره مبخره والفراش معطر

إذا كان ريلج من الأهل وماتدرين شلون تتعاملين معاهم لا تحاتين وخلج دووووووووم مع ربج وهالله هالله بالكلمة الحلوة والهدووووووء، وإذا كان عنده خوات أكبر وأصغر منج وكبرج هالله هالله فيهم، ولي صرتي عندهم أحسن وأونسلج العصاري تحطين القهوة والجاي واللي يحبه قلبج من الحلو والمكسرات وتقهوين الخالة ببتسامه , والبنات اللي بعمرج سولفي معاهم وشاركيهم اذا اهما يبوون, واللي أصغر منج حني عليهم واشتريلهم اذا قدرتي بين فترة هدايا وسويلهم مسابقات مفيدة . واللي أكبر منج الاحترام ولا تدخلين من غير ما يشوورونج وصدقيني السنع والزين يفرض نفسه وبالتوفيج وترى ما من وما أوصيج بالدعاء

تبون بعد

حبيبتي يسلمووو


شكريات أحلى كلام يصفي القلبــ

بعد روحي حبيبتي إنتي

واذا كنتي تحبين شغله مثل القعده على اللابتووب لا ياخذ وقتج كله شفتي الزوج طلع وقلتي اي هاذي فرصتي لأ أول شي رتبي شغلج ان كان عندج ترتيب ولا تنظيف, وبعدين غسلي وبدلي اي عاد موو كله بيجامه على ابو انه برد وبيجامتي كشخة وشاريتها بسعر كذا لأ اتعرفوون ماشالله عليكم كيييييييييلكم كشخة وتحبووون الزين, مع حميره وكحيله وبعدين عاد تفرغي حق اللابتوب

ولا يدخل الزوج الدار الا وهي مبخرة معدلة

وهالله هالله بالدلع الحلو مو الدلع الماصخ

وديري بالج حيل لا طولين لسانج خلج بنيتي السنعه اللي لي قال الزوج شي ما يخالف ربج ولا يغضبه قالتله المره أبشر

لي صار الزوج يحب الكورة ويحب يتابع المباراة لا تضايقين أبد زهبيله الجاي والمكسرات والبسكووت وحطيلة وما يمنع تقعدين معاه مجامله وتباشرينه كلها 45دقيقة وان كثرت 90دقيقة (ماشاالله علي بعد اعرف وقتها خخخخخخخخخخخ) واذا يبي هدووء خليه على راحته

ها ديري بالج من الحنه والرنه يعني لي مالبى طلباتج لا تحنين وتزعلين طولي بالج ووسعي صدرج صدقيني لي هديتي يمكن يلبي طلبج وإنتي ماتدرين

نار زوجي ولا جنة هلي اشلوون: مهما اختلفتوا وما هما صار مشاحن بينكم ترى حتى المصارين بالبطن تهاوش صبري وتحملي , ترى المره مالها إلا بيتها

عاملي زوجج كأنه طفل كبير الزوج محتاج الحنية واللين بس عاد لا يصير زايد عن حده وتلوعين جبده ترى الشي لي زاد عن حده انقلب ضده

ولي رحتي معاه السوق وحسيتي انج طولتي من غير ما يتكلم قوليله يلا مشينا البيت الوقت أخذنا اللي ما لقيناه بعدين ارجعله السوق ما راح يطير

اذا كنتي تشتغلين مو أول ما ياخذج تعطينه بطاقة السحب هذا حقج وتعبج بس كل شي بالهداوه لي عرف انج متمسكة بحقج وبفلوسج من أول مرة خلاص ما يقرب ... بس هذا مو معناه انج ما تساعدينه , اشتري من طيب خاطرج للبيت لأن أول وتالي هذا بيتج

ديري بالج وأحط تحتها مليووووووون خط أحمر من الرفيجات اللي يوزونج على زوجج ويحشوون اذنج بسوالف مالها داعي ومو كل شي ينقال تسوينه فكري وتريثي

لي صرتي مع هله على غدا ولا عشى لا تقعدين إلا لما تقعد أمه على الصينيه .. ولي ما عجبج شي من الأكل لا تبطلين حلج ولا تذمرين

الحيا الحيا الحيا زين ما ترفعين عينج على ريل غير زوجج

لي سمعتي خبر مو زين يضايق لا تطرينه لزوجج وقت الأكل ولا وقت النوم ............ لي صار وقت العصاري وحزت الجاي قوليله

مو كل شي ينقال حق الزوج: سوالف خاصة مع امج ولا وخيتج ولا رفيجتج لا تقولينها

لا تحاسبينه على الطلعة وين رحت ومتى بترد ؟ تزوج يبي يرتاح ما يبي تسجنينه

لي قعدتي بالصاله مع حموولتج لا يصير الضحك بصووت عالي ومن غير سنع

لا تعودينه انج انتي اللي تجيلين البيت من الفرضة وسووق السمج انتي الرقة والعذووبة

ولما يدق تلفونه لا تشيلينه الا اذا قالج

التجديد بكل شي بس عاد مو تبذير

احترميه وديري بالج تعايرينه بشغله كان مسويها قبل

يــــــــــآ حلــــــوو كلامهـــــم
عســــــــل
ثـــــــــآنكيوو بنوتــــة

العفو غلاتي، تبون بعد ولا بس؟